အိမ်ထဲဝင်လာတဲ့ ခြေသံ..မကြားရတာကြာနေတဲ့..အသံတစ်သံ..ဆယ်စုနှစ်တွေကြာအောင်လေးယောက်ဆုံခဲပါတယ်..မောင်နှမလေးယောက်သားပြေးဖက်ကြတယ်..အော်ဟစ်စကားပြောရင်း..အသက်တွေပြန်ငယ်သွားကြတယ်..
ဝေးတသက်သက် နီးတကျက်ကျက်မောင်နှမတွေပါ
အကျင့်အရတော့..သုံးယောက်ကျန်ရင်.ကျန်တဲ့တယောက်အတင်းပြောလေ့ရှိပါတယ်.ပတ်လည်သရေပေါ့..အဲလိုဆိုတော့.လေးယောက်ဆုံရင်ဘယ်သူ့အတင်းပြောမယ်ထင်ပါသလဲ..
အဖေပဲကျန်တော့တယ်လေ..အဖေ့အတင်းပေါ့...
မောင်နှမလေးယောက်လုံးရုပ်တော်တော်ဆင်ကြပါတယ်..အဲ့ဒီထဲမှာ..ကိုလေးနဲ့ရွှေသဲကပိုပြီးတူပါတယ်..ငယ်ငယ်တုန်းကစည်သူလွင်လိုဆံပင်ပုံ..အလည်ခွဲလေးကို သူရောကိုယ်ရောထားတော့.အပြင်ထွက်တာနဲ့..မောင်လွင်နဲ့တရုပ်ထဲပဲလို့ အမြဲအပြောခံရပါတယ်..သူ့ကြတော့သဲသဲနဲ့တရုပ်ထဲလို့အပြောမခံရဘူး..သူကအမေ့ဗိုက်ထဲကအရင်ထွက်တော့..ရွှေသဲကြတော့သူ့ပုံတူလေးဖြစ်နေတာပေါ့..
ငယ်ငယ်ထဲကအမေမရှိတော့..စာလုပ်ခိုင်းတာလဲ အကိုအမတွေပဲ..စာမေးပေးတာလဲအကိုအမတွေပဲ..စာမရရင်ရိုက်တတ်တာကတော့ကိုလေးပါပဲ..သမိုင်းတွေဆိုဝါးချတတ်ပါတယ်အပေါ်အပိုဒ်နဲအောက်အပိုဒ်လွဲတာ
လောက်ကလုပ်နေကြပါ..အင်္ဂလိပ်စာမီးနင်းမေးတဲ့နေ့ဆိုအရိုက်ခံရဖို့သေချာသလောက်နီးပါးပါပဲ..
ဆယ်စုနှစ်တခုလောက်..အိမ်ရှေ့အုတ်ခုံမှာသီချင်းသံကျယ်ကျယ်ရပါဘူး..အဲ့နေ့ကတော့.ရော့ခ်ကာကြီးကတော့ပြန်
ရောက်နေပါပြီ..ဆိုနေကျသူငယ်ချင်းတွေလည်း တကွဲတပြား..လက်ကျန်ဘေးအိမ်ကအကိုကအတူဆိုပေးပါတယ်..သူကလည်းကလေးနှစ်ယောက်အဖေဖြစ်နေပြီဆိုတော့ အရင်တုန်းကလိုဆိုကျင့်တွေပျောက်နေရင်းက.....
ပြန်ဆိုကြမယ့်အတွဲပေါ့..ကိုလေးကတော့လေးဖြူ.အငဲ.စအော်ပြီပေါ့..နောက်တယောက်ကလဲ..အော်ပေါ့.
သီချင်းစာသားတွေကလဲမေ့တေ့တေ့..အတူတူမအော်တာကြာတော့စည်းဝါးတွေကလွဲ..နဲနဲကြာမှ
လက်ပြန်ညီလာတော့..သီချင်းမဆုံးခင်ရပ်သွားကျပြန်ရော..စာသားမေ့လို့ဆိုပြီး..
ကျန်တဲ့မိသားစုဝင်အားလုံးကတော့ သူတို့အသံနားထောင်ရင်းလွန်ခဲ့တဲ့ဆယ်စုနှစ်တွေဆီပြန်ရောက်လို့ပေါ့
လမ်းထဲမှာကလည်း မိုးလင်းတော့အားပေးနားထောင်ကြကြောင်း ပြောပါတယ်..
ဒီလိုနဲ့...........ဒီလိုနဲ့...........ရော့ခ်ကာကြီးတယောက်ဒီမိသားစုတာဝန်ထမ်းရင်း..အသက်တွေတနှစ်ပြီးတနှစ်
ကြီးလာပါတယ်........
No comments:
Post a Comment